هاجم أحمد حسام ميدو، رئيس لجنة التخطيط السابق لنادي الزمالك، يانيك فيريرا، المدير الفني للفريق الأبيض عقب التعادل مع المقاولون العرب، ضمن منافسات الجولة الثانية من الدوري المصري الممتاز.
وكتب ميدو عبر حسابه الرسمي على “إكس”: أي مدرب يبدأ بـ دونجا فى تشكيل الزمالك تعرف إنه مدرب ما بيعرفش يقيم اللاعيبه كويس”.
ميدو ينتقد اختيارات فيريرا في تشيكل الزمالك
وواصل:” أي مدرب يبدأ بـ ناصر ماهر وينج رايت بالذات بعد ماتش سيراميكا تعرف إنه مش عايش معانا!!”.
وأكمل:”أحمل ضياع نقطتين مهمين جدا لمدرب الزمالك، وبصراحة كلمة فيريرا مش قادر أنطقها.. خسارة عدم استغلال الانطلاقة الجيدة وبأسعار أمام سيراميكا.
واستطرد “الدوري لسه طويل بس منافسين #الزمالك شرسين وما بيضيعوش نقاط بسهولة والموسم ده مش محتاج أخطاء زي الأخطاء اللي حصل امبارح .. العب بتشكيل صح وبلاش فتي!!”.
ميدو: الزمالك أفضل دفاعيًا من بيراميدز والأهلي
وواصل:” “الزمالك عنده فريق محترم وجاب لاعيبه كويسه وكل المشاكل اللي كانت بتواجه الفريق بره الملعب وكانت مأثره علينا بشكل كبير معظمها اتحل”.
وتابع: “رأيي إن الزمالك أفضل دفاعيا من الأهلي ومن بيراميدز ودلوقتي الفريق عنده دكة كويسة بس لازم نلعب بأحسن ١١ ويتثبتوا”.
وشدد: “لازم نلعب بصبحي، عمر، الونش، حسام، بينتايج، شحاته، أدم كايد، ناصر ماهر، شيكو بانزا وألڤينا وعدي الدباغ”.
وأكمل: “وعبد الله يلعب آخر نص ساعة مفيش إلا ماتشين الأهلي وماتش بيراميدز بس اللي ممكن تلاعب شحاته ٨ فيهم”.
اقرأ أيضًا.. الزمالك يكشف تفاصيل حالة فيريرا الصحية بعد خروجه من المستشفى
وأردف: “غير كده مع احترامي لكل فرق الدوري مفيش ولا فرقة عندها اللاعيبة يعني اللي تخليك تلعب بدونجا وشحاته مع بعض في نص الملعب”.
