كشف الإعلامي أحمد شوبير، عن خطة السويسري مارسيل كولر، المدير الفني للنادي الأهلي لتخطي صن داونز والتأهل لنهائي دوري أبطال إفريقيا.
وقال شوبير في تصريحات إذاعية:” كيف يفكر كولر في مباراة صن داونز؟، أنا هقول لكم كل حاجة وهشرح كل خطة وفوائدها ومخاطرها”.
شوبير: كولر محتار في تشكيل الأهلي أمام صن داونز
وتابع:” بالنسبة للخطة فيه ناس بتقول يكمل بخطة الماتش اللي فات بعد ما أمن الدفاع وكان قريب في الشوط الثاني من خطف هدف “.
وشدد:” وسجل هدفين ولكن اتحسبوا تسلل، ففيه ناس مؤيدة الطريقة دي وعنده جراديشار وطاهر قدام “.
وأردف:” ومعاهم إمام عاشور بيلعب في أي حتة، وهيلعب هنا بتشكيل مباراة الذهاب برضه”.
شوبير: تغيير في تشكيل الأهلي أمام صن داونز
وواصل:” فيه وجهة نظر ثانية بتقول أنا بلعب في ملعبي وهروح أدافع، وبيقولوا نشيل واحد من الـ3 اللي في قلب الدفاع”.
وزاد:” وأزود مهاجم اللي هو أشرف بن شرقي ويلعب في الشمال وطاهر في اليمين وجراديشار رأس حربة”.
وأكمل:” والمؤيدين بيقولوا دي خطة هترضي الجماهير وترجح كفة الأهلي على ملعبه وبين جماهيره”.
واستطرد:” فيه حيرة وكان الله في عون مستر كولر هيلعب إزاي، وماتش زي ده تلاقي اللي يقول لك عايزين وسام أبوعلي”.
اقرأ أيضًا.. هل يغيب أحمد عبدالقادر عن كأس العالم للأندية؟.. شوبير يكشف مفاجأة
وأتم شوبير:” عشان العرضيات وبيرعف بيقتنص الفرص، وناس تانية تقول لك لأ وسام بقاله فترة مش بيسجل أهداف
وجراديشار جاهز ومتميز في الفترة الأخيرة، طب الشحات يلعب ولا طاهر يلعب، في ظل خبرات حسين الشحات الأفريقية”.
اقرأ أيضًا.. كولر يوجه رسالة لجماهير الأهلي قبل مواجهة صن دوانز ويتحدث عن ركلات الترجيح
