أكد الإعلامي أحمد شوبير، أن هناك 3 أزمات تواجه نهائي كأس مصر بين الزمالك وبيراميدز، المقرر له 20 مايو من الشهر القادم.
وقال شوبير في تصريحات إذاعية/” أنا كنت قلت لكم رغبة بيراميدز وترحيب الزمالك بتأجيل نهائي كأس مصر”.
عرض لإقامة نهائي كأس مصر بين الزمالك وبيراميدز في الإمارات
وتابع:” رأيي إنك تأجل مباراة بيراميدز مع بتروجت يوم 17 في الدوري المصري حركه خليه يوم 15 أو بعد النهائي لإن فيه ماتش الزمالك وبيراميدز كمان في الدوري يوم 13 مايو”.
وشدد حارس مرمي الأهلي ومنتخب مصر الأسبق:” لكن مع الكلام اللي جاي إن فيه عرض من الإمارات لاستقبال نهائي كأس مصر”.
وواصل:” بدأت الخطة تتغير داخل اتحاد الكرة، ويقول لك نخليها يوم 5 أو 6 يوليو، بس ده هيوافق ممكن وقفة عرفات أو أول أيام عيد الأضحي”.
موعد نهائي كأس مصر الجديد سيتعارض مع معسكر منتخب مصر
وشدد:” فيبقى يوم 5 أفضل من 6 بدل ما تيجي تقول ده العيد جه فخلينا يوم 10 وبعدها تقول عيد تاني جه خلينا يوم 18،
وهكذا فخليك حاسم في هذه القرارات خاصة إنك قولت إن القيد هيفتح يوم 2 يونيو، فكده ممكن تأجل القيد وتعمل قيد استثنائي للأهلي عشان كأس العالم للأندية”.
وأردف شوبير:”كمان عندك تعارض مع معسكر منتخب مصر فلو خدت لاعيبة بيراميدز ولاعيبة الزمالك مش موجودة
وكمان لاعبي الأهلي مش موجودين فكده حسام حسن هيعمل معسكر ليه، وهو كده كده مقرر مش هيعمل معسكر إلا
بوجود اللاعبين الأساسيين، فاتحاد الكرة يقول فرصة وألغي المعسكر عشان أعمل نهائي كأس مصر، طيب هتقول لي ما كده محلولة يا كابتن لا مش محلولة وهقول لك ليه”.
وأردف شوبير:” فيه حاجتين هل عرض الإمارات نهائي ومؤكد وموقف ثلاثي الزمالك مصطفى شلبي ودونجا وعبدالواحد السيد
هيكون أيه، هما واخدين عفو رئاسي من رئيس الإمارات بس هل دخولهم هيكون عادي ولا فيه مشاكل لازم يكون
فيه حل لهذا الأمر، وما علمته أن هناك اتصالات تتم خلال الساعات الأخيرة بخصوص ذلك”.
اقرأ أيضًا.. محمود الخطيب يفاجئ كولر وجهازه المعاون في الأهلي “صور”
وواصل:” الشيء التاني المهم هناك لاعبين أجانب في الزمالك وبيراميدز، وفي الموعد المقترح لنهائي الكأس هيكون فيه
أجندة دولية فممكن يكون محمد الشيبي في المنتخب المغربي وبلاتي توريه مع بوركينا فاسو، وفيه سيف الجزيري مع تونس، فهل الناديين هيوافقوا ولا لأ”.
اقرأ أيضًا.. وداع وشكر.. كولر يوجه رسالة هامة إلى جماهير الأهلي
