هاجم والد أحمد مصطفى زيزو لاعب نادي الزمالك، مجلس الإدارة برئاسة حسين لبيب بعد استبعاد نجله من المباراة القادمة.
وكان الجهاز الفني بقيادة البرتغالي جوزيه بيسيرو قد قرر استبعاد اللاعب من مواجهة ستيلينبوش الجنوب أفريقي.
والد زيزو: إدارة الزمالك كتبت نهاية اللاعب مع النادي
وفي تصريحات صحفية قال والد زيزو: مجلس الزمالك كتب النهاية، باستبعاد زيزو من مباراة ستيلينبوش.
وأضاف: محدش اتكلم معايا أو حاول ترتيب أي جلسات اليوم، وممكن يكونوا بيتكلموا عن جلسات روحانية.
وتابع: لو قرار تجميد زيزو فعلاً اتخذ، يبقى كويس عشان يرتاح شوية، عاوز أعرف الناس في الزمالك بيفكروا إزاي، فشلوا فشل ذريع في ملف التجديد.
والد زيزو: زيزو لم يوقع للنادي الأهلي
وعن الأنباء التي تحدثت عن توقيع نجله للأهلي، قال والد زيزو: إحنا لا مضينا للزمالك ولا للأهلي ولا لبيراميدز، اللي عنده ورق ضدنا يطلعه، البعض ربط تأشيرة السفر لأمريكا بالانتقال للأهلي، وده مش صحيح.
وعن تواجده في السفارة الأمريكية، أضاف: ممكن أكون رايح الترجي أو العين الإماراتي أو صن داونز أو حتى الوداد للمشاركة في كأس العالم للأندية، ليه الناس ربطوا التأشيرة بالأهلي.
وواصل: اللي معروض عليه برا أكتر من اللي بياخده في الزمالك بعشر مرات، لكن هو مستني الزمالك.
وأضاف: نجلي فضل النادي والمشكلة مش في الفلوس خالص، دي قصة كرامة واحترام متبادل.
وشدد قائلاً: لو كانت القصة قصة فلوس، كان مشي من يناير، وكان عقده انتهى وكان يقدر يوقع لأي نادٍ.
وأضاف: لكن هو موقّعش عشان النادي، هل ده تصرف لاعب بيدوّر على فلوس.
وتابع: عبدالله السعيد مجددش، والونش والمثلوثي كمان، ليه مفيش ضجة عليهم، ليه محدش استبعد عبدالله السعيد من الماتش، وليه لما ما سافرش جنوب أفريقيا قالوا عنده إصابة.
اقرأ أيضاً :موعد ومعلق مباراة مانشستر يونايتد وليون في الدوري الأوروبي
وفيما يخص هجوم الجماهير، قال: من المسؤول عن تسليط الجمهور في المدرجات، أليست إدارة النادي، ومن الذي جعل الجمهور يرفع لافتات ضد مجلس الإدارة، هل أنا من أفعل ذلك.
واختتم حديثه قائلاً: تصرفات بعض المسؤولين داخل النادي، ساهمت في تصعيد الأوضاع.
اقرأ أيضاً :الكشف عن معلق مباراة برشلونة وبوروسيا دورتموند في دوري أبطال أوروبا
