كهربا يكشف أسباب رحيله عن الأهلي ويهاجم كولر

شن محمود عبدالمنعم كهربا، لاعب الفريق الأول لكرة القدم بالنادي الأهلي، هجومًا على السويسري مارسيل كولر، بسبب المعاملة مع في النادي.

وقال كهربا في تصريحات تلفزيونية:” كلام كولر معايا مكنش مقنع، يعني كان بيقولي إتمرن كتير عشان تلعب على موديست، وأنا وقتها كنت أفضل بدنيا وفنيا، لذلك كلامه ما أقنعنيش”.

كهربا ينتقد كولر مدرب الأهلي

وتابع لاعب الأهلي:” في ظل تواجد وسام أبوعلي كان متألق طبعا وبيكسب الفريق، لكن كان ممكن المدرب يديني فرصة

ويلعبني ربع ساعة، خاصة إني بحب الخير لزمايلي وكان مفروض يقدرني نفسيا أكتر، ويعاملني بطريقة أفضل زي مكان بيعمل قبل وسام أبوعلي وموديست”.

وعن تصريح المدبر بأنه رقم 3 في الفريق قال:” كان صعب مفيش حد بيقول كده، لو عايز تقول حاجة زي كده قولي أنا، زي ما قولتلي قبل فرح شقيقتي إني رقم 3″.

كهربا يكشف سبب رحيله

وواصل:”أبويا وأمي وأختي وأخويا مستعد أعمل حاجة عشانهم، ودا فرح أختي الوحيدة مستحيل أغيب عنه، وروحت كلمت

كولر استأذنته وقولتله في اتنين مهاجمين غيري والفريق لن يتأثر، قالي هفكر في الموضوع لكن قالي هترجع تبقى رقم 3″.

إقرأ أيضًا.. محمود الخطيب يخطر كولر بحسم صفقتين

وعن إعارته للاتحاد الليبي:” عمري ما أمشي من الأهلي وأنا لسة موجود، والأهلي بيتي وكلمة مشيت من الأهلي دي

تتعبني نفسيا وممكن أقعد شهور أتعافى بسببها، و أنا هاخرج برا عن الأهلي لمدة 6 شهور والحياة بتلف بيا بسبب الموضوع ده”.

وأتم: الأهلي كل حياتي، ومحدش يعرف مشيت ليه من الأهلي غير اللي فيها (حاجة بيني وبين النادي)”.

إقرأ أيضًا.. كهربا يكشف أسباب رحيله عن الأهلي ويهاجم كولر