كشف الإعلامي أحمد شوبير، عن موقف البرتغالي جوزيه بيسيرو المدير الفني لنادي الزمالك، من أزمة أحمد مصطفى زيزو.
وقال شوبير في تصريحات إذاعية:” زيزو بيمثل 50% من قوة الزمالك، أنا مش فاهم بصراحة ليه بيتعاملوا معاه كدا”.
شوبير: بيسيرو غاضب من أزمة زيزو
وتابع:” زيزو هو السبب في صعود الزمالك لنهائي الكأس بعد هدفه في مرمى سيراميكا كيلوبترا، ليه النادي ممكن يخسره في مباراة مهمة زي كدا”.
وأردف:” هتقولي بتقول إيه، هقولك هو دا الصحيح، دا الشغل الاحترافي هيمشي أو لأ حاول تستفيد منه في المباريات القادمة لأن عقده لسا ساري”.
وواصل شوبير:” بيسيرو غاضب جدًا بسبب أزمة رحيل زيزو، وليس لدى مشكلة في حل الأزمة الحالية وعودة اللاعب من جديد للمشاركة في المباريات القادمة”.
شوبير يكشف مصير بيسيرو مع الزمالك
وشدد:” سألت المقربين من زيزو هل اللاعب عنده مشكلة يرجع يتمرن ويشارك مع الزمالك، قالولي اللاعب جاهز من بكرا الصبح”.
وزاد:” قولت طيب ليه ميعملش كدا، قالولي يضمن تأمينه الأول، وأنا للأسف مش فاهم هما بيتعاملوا كدا إزاي، دا مش تعامل احترافي”.
وتابع:” زيزو بيمثل 50% من قيمة الزمالك، والمفروض إنك عندك 6 ماتشات في بطولة الدوري، دا بالإضافة لنهائي الكأس”.
وأكمل:” ما تحاول تستفيد من اللاعب قبل رحيله، وتشتغل شغل مناسب باحترافية”.
وعن مصير بيسيرو قال:”تواصلت مع أحد المقربين من بيسيرو من أجل سؤاله عن مستقبله مع نادي الزمالك وموقف مجلس إدارة النادي من تجديد التعاقد معه”.
إقرأ أيضًا.. تفاصيل شكوى لاعبي الزمالك من بيسيرو
وتابع:” الحقيقة قال لي بصراحة محدش كلمنا هنجدد ولا لأ، وإحنا منتظرين حاليًا، ومستر بيسيرو لديه رغبة في الاستمرار مع الزمالك ولكن لديه شروط”.
وأتم:” بيسيرو عايز لاعيبة والراجل منزعج جدا كمان بسبب زيزو لإنه بيعتبره أفضل لاعب في مصر وبشكل مفاجيء لم يجده معه”.
إقرأ أيضًا.. تفاصيل أزمة بيراميدز مع اتحاد الكرة بسبب نهائي كأس مصر
