وجه الإعلامي أحمد شوبير، صدمة قوية لجماهير النادي الأهلي، بعد خسارة الفريق الأول لكرة القدم من أورلاندو بايرتس الجنوب إفريقي.
وقال شوبير في تصريحات إذاعية:” كابتن الخطيب كان في المستشفى بقاله كام يوم وخرج إمبارح بسلامة الله وطبعا تعبان”.
شوبير يوجه رسالة لرئيس الأهلي
وتابع حارس مرمي الأهلي ومنتخب مصر الأسبق:” انا بقول له كلمة في ودنه: هون على نفسك ولازم أعضاء مجلس الإدارة ياخدوا ملفات ويشتغلوا عشان الدنيا تمشي».
وأكمل نائب رئيس اتحاد الكرة الأسبق:” ما هو حضرتك كل الملفات فوق راسك ده ضغط شديد ذهنيا ونفسيا ومعنويا فلازم الناس كلها تتعب مع حضرتك وتشتغل الفترة اللي جايه”.
وواصل:” لازم جمهور الأهلي يشعر بهذا، لإن الناس بتحبك وبتقدرك عشان أنت بتبذل مجهود خرافي في النادي”.
شوبير يطالب بحسم مصير علي معلول
وعن مسئول التعاقدات قال:” يعني مثلا سمعنا إن ملف الصفقات مع مروان النايب طيب ما تعلن وتقول مين مروان ده”.
وأكمل:” ومين في مجلس الإدارة بيعاونه في هذا الملف، فأتمنى الدنيا تمشي بشكل كويس الفترة اللي جايه لإن أهم حاجة صحة البني آدم”.
وعن معلول قال:” أعلن موقف على معلول أعلنه للناس ما هو الناس بتسأل وإحنا معندناش إجابة نقولها للناس، بصراحة الأمر عجيب والأمر غريب جدا جدا ولازم حد من الأهلي يطلع يرد ويوضح موقف اللاعب”.
وواصل حارس الاهلي الاسبق:” حتى كولر كل ما يتسأل عن على معلول يقول لا تعليق، وإحنا كمان لا تعليق هو إحنا اللي هنعرف يعني”.
إقرأ أيضًا.. سلوت يكشف سر فوز ليفربول الصعب على برينتفورد
وعن الصفقات قال:” أعلنت عن صفقة محلية، وقولت ان الاختيار كان بين محمد ربيعة ومصطفى العش والاختيار وقع على العش، ودا كان اجهاد شخصي مني”.
وأتم:” لكن الناس لحد الآن مش شايفة صفقات محلية ولا أجنبية ولا أي نوع من أنواع الصفقات، أكيد في حاجة والناس عايزة تعرف واحنا لازم نطرح تساؤلات الناس على المسئولين”.
إقرأ أيضًا.. الأندية المتأهلة إلى ربع نهائي دوري أبطال أفريقيا
