كشف أحمد مصطفى زيزو نجم نادي الزمالك، حقيقة الأنباء المتداولة حول توقيعه للنادي الأهلي بداية من الموسم المقبل.
وكتب زيزو عبر حسابه على “إنستجرام”: الحمد لله أنا شخص بيحترم الجميع، لكن السكوت عن المعلومات المغلوطة زاد عن حده.
زيزو: لم أوقع لأي ناد سواء داخل أو خارج مصر
وأضاف: كل ساعة يطلع خبر جديد عن توقيعي أو تجديد عقدي، وكل طرف بيحاول يكسب تعاطف جمهور معين حسب مصلحته، بسبب أخبار متضاربة.
وتابع مؤكدًا: بكل وضوح، أنا لم أوقع لأي نادٍ، سواء داخل مصر أو خارجها.
وأكمل: وإذا في حد يدّعي إنه حصل على توقيعي، فليُعلن ذلك إن كان صادقًا، وإذا فيه دليل على كلامه فليُظهره للناس.
زيزو: ليه محدش اتكلم عن المستحقات المتأخرة اللي ليا بقالها كتير
وواصل زيزو: أنا بقدّر جدًا نادي الزمالك، الكيان الكبير اللي بفتخر إني أنتمي ليه، وعمري ما هأنكر فضله عليا.
وأكمل: لكن في نقطة مهمة مكنتش حابب أتكلم فيها، لأن الإعلام ماشي في اتجاه واحد.
وأضاف: ليه محدش اتكلم عن حقوقي كلاعب، ليه محدش قال إن النادي سابني شهور طويلة من غير ما يتحركوا لتجديد عقدي؟ ليه سايبين مستحقاتي المتأخرة من فترة ومفيش حد بيرد.
اقرأ أيضاً :الهلال السوداني يفاجئ الأهلي بقرار مثير قبل مباراة الليلة
وتابع: ليه محدش شاف إن مسألة التجديد دلوقتي جاية في توقيت حساس من مسيرتي، وأنا كلاعب عمر وجودي في الملاعب محدود، زيي زي أي لاعب، عندي أسرة والتزامات.
واختتم: ربنا سبحانه وتعالى كرّمني بعروض قيمتها المادية 5 أضعاف اللي النادي قدمه، ومحدش اتكلم عن ده، بس كل اللي بيتقال مجرد كلام، وأنا حبيت أوضح الحقيقة.
اقرأ أيضاً :كورتوا يعلن موقفه من مباراة أرسنال
