علق الإعلامي أحمد شوبير على ما تردد عن اتهام النادي الأهلي، بالتسبب في رحيل البرتغالي جوزيه جوميز عن الزمالك.
وكان البرتغالي جوزيه جوميز، قرر الرحيل عن الزمالك، من أجل تدريب فريق الفتح السعودي.
شوبير: الأهلي لو مشى جوميز من الزمالك يبقى عبقري
وقال شوبير في تصريحات تلفزيونية: جوميز مشي، ليه بدأ البعض يقول إن دي لعبة من الأهلي.
وتابع: لو الأهلي مشى جوزيه ده يبقى نادي عبقري، لو لهذه الدرجة متغلغل ويقدر يجيب أندية من بره وعرض.
وأكمل: الأهلي يعمل كدة بعد ما اتقال إن جوميز زملكاوي ومن مواليد ميت عقبة، ده يبقى الأهلي عبقري وأكبر جهاز مخابرات في الرياضة.
شوبير يوجه رسالة لإدارة الزمالك
وأردف: وسط ما رئيس الزمالك والنائب وأمين الصندوق الناس بتقول اعتبروه وقع على العقود، وبعدين فجاة تلاقيه خرج.
واستطرد: يبقى الأهلي عظيم وعبقري ولازم الزمالك يخلي باله ويبص وراه وجنبه، كل ما يمشي مدرب أو لاعب أو إداري تقول الأهلي.
واستكمل: ده الأهلي كدة عبقري مش في الملعب بس مش على مستوى عالمي وأفريقي بس، لا في ده كمان يعرف الحاجة اللي تعكنن ويدخلك منها.
اقرأ أيضا :حكم قضائي ينقذ انتخابات اليد من الإلغاء
وواصل: ياعم اقف وبص وشوف أخطائك سواء لاعب أو مدرب، أسهل حاجة شماعة، متبص كدة وشوف أخطائك واتعلم منها.
وأتم: أنت بتعظمني بتقولي كل شوية مفيش زيك يا أهلي أنا مش قادر عليك، قوم دور على حاجتك وعلى خلجاتك.
اقرأ أيضا :تفاصيل مران الأهلي في قطر استعدادا لنصف نهائي كأس إنتركونتيننتال
